Wählen Sie ein Geschenk
Mit einem Geschenk hinterlassen Sie Ihr persönliches Zeichen in Gedenken an Hans-Bruno Lievree. Veredeln Sie jetzt für 2,99 Euro diese Gedenkseite durch ein Geschenk in Ihrem Namen.
von Frank Alfons Lievree am 08.12.2021 - 18:35 Uhr | melden
Wann ich ens nit mih existeere,
wann ich de Auge zo gedon,
wann ich mich bovve präsenteere,
ganz höösch am Himmelspöözge stonn.
Dann weed dä Petrus dat schon maache,
hä sök dä schönste Platz mir us.
Hä weiß et gitt dann jet ze laache,
ich ben vun Kölle, am Rhing zehus.
Dun nit kriesche! Ich han et üvverstande.
Han kein Sorge mih un kein Ping.
Loot mich dröm en stelle Stunde,
su manches Mol noch bei üch sin.
Wat ich gedon en mingem Levve,
han ich gedon für üch.
Wat ich gekunnt, han ich gegovve,
als Dank bliet einig unger üch!
Un wann dä Herrjott sät:
„Do kölsche Stropp,
jetz es et jot, jetz muß do flöck erop!“
Dann möch ich su jän e Platzje han,
wo ich mi Kölle un dä Dom belore kann.
Unse Häär hät mich gerofe,
un doröm moot ich gonn.
Losst mich en Fridde schlofe,
hee op dä Ääd han ich genog gedon.
Jetz han ich ming Rauh.
För üch muss et Levve wiggergonn;
maht et esu wie ich,
vill laache un et Beste drus maache.
