von elisabeth am 13.04.2014 - 11:49 Uhr | melden
waun des woa is,
das ma, waun ma in hümi is,
oiss midgriagt,
wos af da erdn is -
und i glaub des fest -
waun des woa is,
daun host gestan
an feiertog ghobt.
s´wunschkonzert woa wieda.
a soi volla leit,
an haufn musikantn,
a wundascheini musi.
de gaunze zeit hob i di gspiad
und di ghead, wiasd sogst:
"gö, san scho so fesch,
insane musikantn.
und in kapömoasta mengs a,
des gspiad ma"
gestan hosdas söwa gseng,
ghead und gspiad:
des woa a konzert,
wo ned nua a musi
gspüd hod.
do woan so vü zwischntöne,
zwischnmenschliche töne,
de aufiklunga haumd
bis in hümi.
du und da maxl,
es zwoa hobts zuaglost
herunt haum mia
auffigschaut
af d´leinwaund
und gspiad:
do duad si wos auf,
wos mehr is,
ois ma si
ausdenka kau.
des is ostern.
des is auferstehung.
